దన్నూర్‌లో ఘనంగా జగ్జీవన్‌ రామ్‌ జయంతి వేడుకలు

బోత్‌, ఏప్రిల్‌ 5

నిజామాబాద్‌ న్యూస్‌ డాట్‌ ఇన్‌ : బోత్‌ మండలం దన్నూర్‌ బి గ్రామ స్థానిక బస్టాండ్‌లో మాజీ ఉపప్రధాని బాబుజగ్జీవన్‌ రామ్‌ జన్మదిన వేడుకలు ఘనంగా నిర్వహించారు. దన్నూరు గ్రామ వీడీసీ చైర్మన్‌ బుచ్చన్న మాట్లాడుతూ దళితుల కోసం కొట్లాడిన మహనీయుడు, అణగారిన వర్గాలను అభ్యున్నతిలోకి తీసుకురావడానికి పోరాడిన యోధుడు, జనం కోసమే జీవితాన్ని సంపూర్ణంగా అంకితం చేసిన బాబూ జగ్జీవన్‌ రామ్‌ జయంతి జరుపుకోవడం సంతోషకరమని అన్నారు.

స్వతంత్ర సమరయోధుడు, సంఘసంస్కర్త, అఖండ భారతావనికి విశేష సేవలందించిన భారత మాజీ ఉప ప్రధాని డాక్టర్‌ బాబు జగ్జీవన్‌ రామ్‌ జయంతి సందర్భంగా గొప్ప యోధుడికి తమ నివాళులు అర్పించారు.

కార్యక్రమంలో విడిసి సభ్యులు వడ్లకొండ నారాయణ, మోర స్వామి, రాజు గౌడ్‌, తుర్తి రవి, మునిమాల గంగయ్య, వీడీసీ సభ్యులు, గ్రామ యువకులు, దళితనాయకులు పాల్గొన్నారు.