Telangana Live Telangana Live News and Views 24X7
ఎడపల్లి, ఏప్రిల్‌ 6
నిజామాబాద్‌ న్యూస్‌ డాట్‌ ఇన్‌ : ఎడపల్లి మండలంలోని ఆయా గ్రామాల్లోని పలు హనుమాన్‌ దేవాలయాల్లో హనుమాన్‌ జయంతి వేడుకలు ఘనంగా నిర్వహించారు. ఈ సందర్భంగా ఎడపల్లి మండల కేంద్రంలో హనుమాన్‌ జయంతి సందర్బంగా పెద్ద ఎత్తున ర్యాలీ నిర్వహించారు. యువకులు కాషాయ జండాలను చేత బట్టుకొని డీజే లతో గ్రామంలోని వీధుల గుండా బయలుదేరి శోభయాత్ర నిర్వహించారు.
అలాగే జాన్కంపేట్‌, ఠా ణా కలాన్‌, కుర్నాపల్లి, మంగల్‌ పహాడ్‌, పోచారం అంబం, జైతాపూర్‌ తదితర గ్రామాల్లో హనుమాన్‌ ఆలయాల వద్ద భక్తుల తాకిడి కొనసాగింది. పలు దేవాలయాల్లో ఆంజనేయ స్వామికి పల పంచామృత అభిషేకాలు నిర్వహించి భక్తులకు తీర్థ ప్రసాదం అందజేసి అన్నదానం నిర్వహించారు. జన్కంపేట గ్రామ శివారులో నూతనంగా నిర్మించిన ఆలయంలో దాతలు ప్రత్యేక పూజలు నిర్వహించి సత్యనారాయణ వ్రతాలు నిర్వహించారు.
కార్యక్రమాల్లోఎంపీపీ శ్రీనివాస్‌, జడ్పీ వైస్‌ చైర్మన్‌ రజిత యాదవ్‌, ఆయా గ్రామాల సర్పంచులు ఎంపీటీసీలు, ప్రజాప్రతినిధులు తదితరులు జయంతి ఉత్సవాల్లో పాల్గొని ప్రత్యేక పూజలు నిర్వహించారు.
