ఇండియన్‌ రెడ్‌ క్రాస్‌ సొసైటీ ఆధ్వర్యంలో వంట పాత్రల అందజేత

కామారెడ్డి, ఏప్రిల్‌ 8

నిజామాబాద్‌ న్యూస్‌ డాట్‌ ఇన్‌ : రాజంపేట మండలం ఇండియన్‌ రెడ్‌ క్రాస్‌ సొసైటీ ఆధ్వర్యంలో రాజంపేట, పెద్దపల్లి,శివాయిపల్లి గ్రామాలలోని ఆర్థికంగా ఇబ్బందుల్లో ఉన్న మైలారం లక్ష్మి,చిమ్మని దాకవ్వ, పుట్టకోకుల గంగవ్వ, నీల సిద్ధవ్వ, చిలక నరసవ్వ, నిట్టూరి కమలలకు టర్ఫాలిన్లు, హైజీనిక్‌ కిడ్స్‌, వంట పాత్రల కిట్స్‌ను అందజేసినట్టు రెడ్‌ క్రాస్‌ జిల్లా సమన్వయకర్త డాక్టర్‌ బాలు, రెడ్‌ క్రాస్‌ డివిజన్‌ సెక్రెటరీ జమీల్‌, రాజంపేట్‌ ఐఆర్సిఎస్‌ చైర్మన్‌, వైస్‌ చైర్మన్‌ డాక్టర్‌ హరినాథ్‌, చెన్నబోయిన ప్రసాద్‌ తెలిపారు.

ఇండియన్‌ రెడ్‌క్రాస్‌ ఆధ్వర్యంలో దేశవ్యాప్తంగా ఎన్నో సామాజిక సేవా కార్యక్రమాలను నిర్వహించడం జరుగుతుందని, రెడ్‌క్రాస్‌లో పాల్గొని సామాజిక సేవ కార్యక్రమాలు చేయడానికి యువతీ యువకులు ముందుకు రావాలని అన్నారు. కార్యక్రమంలో శివాయిపల్లి సర్పంచ్‌ విట్టల్‌ రెడ్డి, పెద్దయిపల్లి సర్పంచ్‌ శివలక్ష్మి పాల్గొన్నారు.