సాఫ్ట్‌బాల్‌లో విద్యార్థుల ప్రతిభ

ఆర్మూర్‌, ఏప్రిల్‌ 8

నిజామాబాద్‌ న్యూస్‌ డాట్‌ ఇన్‌ : ఈనెల 2వ తేదీన సుద్ధపల్లిలో జిల్లాస్థాయి అండర్‌-10 విభాగంలో సాఫ్ట్‌బాల్‌ పోటీలలో మామిడిపల్లి సెయింట్‌ పాల్‌ పాఠశాలకు చెందిన విద్యార్థులు కెప్టెన్‌గా పి. అక్షిత్‌, శ్రీనిధు జట్టులో చక్కటి ప్రతిభ కనబరిచి మొదటి స్థానంలో నిలిపారు. జట్టులో పీ. అక్షిత్‌ అనే విద్యార్థికి టోర్నమెంట్లో బెస్ట్‌ పిక్చర్‌ అవార్డు కూడా దక్కించుకున్నాడు.

పాఠశాల ప్రిన్సిపాల్‌ కేథరిన్‌ పాల్‌ అభినందించారు. శనివారం పాఠశాల ఆవరణలో విద్యార్థిని తల్లిదండ్రులు దిలీప్‌, శిరీష, మురళి, సునీత పాఠశాల యాజమాన్యం, సభ్యులు కరస్పాండెంట్‌ బబ్లు, వ్యాయామ ఉపాధ్యాయులు అనిల్‌, సుమలత, ఉపాధ్యాయ బృందం అభినందించారు.