అంబేడ్కర్‌ జయంతి సందర్భంగా వ్యాసరచన, ఉపన్యాస పోటీలు

నిజామాబాద్‌, ఏప్రిల్‌ 11

నిజామాబాద్‌ న్యూస్‌ డాట్‌ ఇన్‌ : నెహ్రూ యువ కేంద్ర ఆధ్వర్యంలో భారతరత్న డా బి.ఆర్‌ అంబేద్కర్‌ జయంతి సందర్భంగా యువతీయువకులకు వ్యాసరచన, ఉపన్యాస పోటీలు నిర్వహిస్తున్నట్టు నెహ్రూ యువ కేంద్ర, జిల్లా యువజన అధికారిణి శైలి బెల్లాల్‌ ఒక ప్రకటనలో తెలిపారు.

ఏప్రిల్‌ 14 డా.బీ ఆర్‌ అంబేద్కర్‌ జయంతి రోజున సుభాష్‌ నగర్‌లోని నెహ్రూ యువ కేంద్ర కార్యాలయంలో నిర్వహిస్తున్నామని, పోటీలలో పాల్గొనే వారందరికీ ప్రశంసా పత్రం, ప్రథమ, ద్వితీయ విజేతలకు బహుమతులు ఇవ్వబడతాయన్నారు.

అర్హతలు :
వయసు 15 సంవత్సరాల నుండి 29 సంవత్సరాల మధ్య ఉండాలి.
తెలుగు, హిందీ, ఇంగ్లీష్‌ ఈ మూడు భాషలలో ఏదేని ఒక భాషలో పోటీలో పాల్గొనాలి.
తేదీ, సమయం : ఏప్రిల్‌ 14, 2023 ఉదయం 10 గంటలకు పోటీలు ప్రారంభం అవుతాయి, అదే రోజే న్యాయనిర్ణేతలు విజేతలను ప్రకటించి బహుమతులు అందజేస్తారు. పోటీలలో పాల్గొనదలచిన వారు నెంబర్‌కు 9100435410 వాట్సాప్‌ ద్వారా ముందుగా తమ పేరు, వివరాలు నమోదు చేసుకోవాలని సూచించారు.