అడ్మిషన్ల కోసం దరఖాస్తుల స్వీకరణ

కామరెడ్డి, ఏప్రిల్‌ 12

నిజామాబాద్‌ న్యూస్‌ డాట్‌ ఇన్‌ : జిల్లాలోని ఏకలవ్య మోడల్‌ రెసిడెన్షియల్‌ పాఠశాలల్లో అడ్మిషన్ల కోసం దరఖాస్తు చేసుకోవాలని జిల్లా కలెక్టర్‌ జితేష్‌ వి పాటిల్‌ అన్నారు. బుధవారం ఏకలవ్య మోడల్‌ స్కూల్స్‌ పోస్టర్‌ ను రీజినల్‌ కో ఆర్డినేటర్‌ సంపత్‌ కుమార్‌, గాంధారి ప్రిన్సిపల్‌ అమర్‌ సింగ్‌తో కలిసి ఆవిష్కరించారు. ఈ సందర్భంగా ఆయన మాట్లాడుతూ ఏకలవ్య మోడల్‌ స్కూల్స్‌లో 6 వ తరగతిలో రెగ్యులర్‌ అడ్మిషన్స్‌, 7, 8, 9 వ తరగతుల్లో బాక్‌ లాగ్‌ సీట్ల భర్తీ కోసం వెబ్‌సైట్‌ ద్వారా దరఖాస్తు సమర్పించాలని కోరారు.

సీబీఎస్‌ఈ విధానంలో బోధన ఉంటుందని అన్నారు. కో ఎడ్యుకేషన్‌ పద్దతి లో సీట్ల కేటాయింపు, పాఠశాల నిర్వహణ ఉంటుందని చెప్పారు. జిల్లాలోని గాంధారి పాఠశాలలో అడ్మిషన్ల కోసం గిరిజన బాల బాలికలు దరఖాస్తు చేసుకోవాలని సూచించారు. ఈ నెల 20 వరకు దరఖాస్తు చేసుకోవాలని కోరారు.