రంజాన్‌ కానుకలు పంపిణీ

రెంజల్‌, ఏప్రిల్‌ 13

నిజామాబాద్‌ న్యూస్‌ డాట్‌ ఇన్‌ : రెంజల్‌ మండలంలోని నీలా గ్రామంలో రంజాన్‌ పండుగ సందర్భంగా ఎమ్మెల్యే షకీల్‌ అమీర్‌ మైనార్టీల కోసం అందజేసిన రంజాన్‌ కానుకలను గురువారం మైనార్టీ మండల అధ్యక్షుడు గఫర్‌, మార్కెట్‌ కమిటీ మాజీ ఉపాధ్యక్షుడు లతీఫ్‌ లు అందజేశారు.

ఈ సందర్భంగా వారు మాట్లాడుతూ రంజాన్‌ పండుగ సందర్భంగా ప్రతి సంవత్సరం మైనార్టీల కోసం ఎమ్మెల్యే షకీల్‌ సొంతంగా రంజాన్‌ కానుకలను పంపిణీ చేస్తూ పేద, ధనిక తేడా లేకుండా అందరికీ పంపిణీ చేస్తూ ప్రతి కుటుంబానికి బాసటగా నిలుస్తున్నారని అన్నారు. కార్యక్రమంలో బిఆర్‌ఎస్‌ మైనార్టీ నాయకులు ఖయ్యుమ్‌, ఇమ్రాన్‌, అఫ్జల్‌, రఫిక్‌, మైను తదితరులు పాల్గొన్నారు.