అంబేడ్కర్‌ జయంతి సందర్బంగా రక్తదానం

కామరెడ్డి, ఏప్రిల్‌ 14

నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా కేంద్రంలో గల సెవెన్‌ హార్ట్స్‌ ఆర్గనైజేషన్‌ ఎన్జీవో ఆధ్వర్యంలో మున్సిపాలిటీ ప్రాంగణంలో గల విశ్వరత్న భారత రాజ్యాంగ నిర్మాత డాక్టర్‌ భీమ్‌ రావు అంబేద్కర్‌ జయంతి మహోత్సవం సందర్భంగా ఎన్జీవో ప్రతినిధులు నివాళులర్పించారు. ఈ జయంతి మహోత్సవాన్ని పురస్కరించుకొని స్థానిక వీటి ఠాకూర్‌ బ్లడ్‌ బ్యాంక్‌లో ప్రతినిధులు రక్తదానం చేశారు.

ఈ సందర్భంగా ఎన్జీవో ఫౌండర్‌ జీవన్‌ నాయక్‌ మాట్లాడుతూ భారత రాజ్యాంగ రూపకర్త భీమ్‌ రావు అంబేద్కర్‌ జయంతి సందర్భంగా ఒకరి ప్రాణం నిలుపగలిగే రక్తాన్ని దానం చేసి ఒకరికి ప్రాణం పోసి ఆ మహనీయునికి నిజమైన ఘన నివాళి అర్పించినట్లు తెలిపారు. కార్యక్రమంలో ఎన్జీవో ప్రతినిధులు సంతోష్‌ రెడ్డి, పెలాచ్‌, సురేష్‌, నగేష్‌, పవన్‌ కళ్యాణ్‌, తదితరులు పాల్గొన్నారు.