Telangana Live Telangana Live News and Views 24X7
ఆర్మూర్‌, ఏప్రిల్‌ 20
నిజామాబాద్‌ న్యూస్‌ డాట్‌ ఇన్‌ : ఆర్మూర్‌ మండలం చేపూర్‌ షిరిడీ సాయిబాబా ఆలయంలో ఆలయ కమిటీ ఆధ్వర్యంలో గురువారం అన్నదాన కార్యక్రమం జరిగింది. ఈ గురువారం అన్నదాతలు ఎస్కే చిన్నారెడ్డి (స్పెషల్‌ రెడ్డి) మాజి సర్పంచ్‌ మనుమరాలు కుమారి హిందు కెనడా దేశం వెళ్ళిన సందర్భంగా అన్నదాన కార్యక్రమాన్ని నిర్వహించారు. కమిటీ సభ్యులు అన్నదాతలకు కృతజ్ఞతలు తెలిపారు.
ఎంపీటీసీ బాల నర్సయ్య, ఆలయ కమిటీ అధ్యక్షులు రాజారెడ్డి, కార్యదర్శి అశోక్‌, గౌరవ అధ్యక్షులు మరియు కోశాధికారి సురేష్‌ రుక్మాజీ మాట్లాడుతూ ప్రతీ గురువారం సాయిబాబా సన్నిధిలో అన్నదాన కార్యక్రమం నిర్వహించేవారు రూ. 5 వేలు కమిటీ వారికి చెల్లిస్తే మీ పేరు మీద అన్నదానం జరుపబడుతుందని అన్నారు. చేపూర్‌ గ్రామ ప్రజలు, చుట్టు ప్రక్కల గ్రామాల ప్రజలు, భక్తులు ఎవరైనా ఈ అన్నదాన కార్యక్రమంలో పాల్గొనవచ్చునని తెలిపారు. భక్తులకు షిరిడీ సాయిబాబా, దత్తాత్రేయుల ఆశీస్సులు, కరుణ కటాక్షాలు సదా ఉండాలని, అనుకున్న కోరికలు నెరవేరాలని కోరుతూ ఆలయానికి భక్తుల సహాయ సహకారాలు ఎల్లప్పుడూ అందించాలని స్థానిక ప్రజా ప్రతినిధులు ఈ సందర్భంగా భక్తులను కోరారు.
కార్యక్రమంలో షిరిడీ సాయిబాబా ఆలయ కమిటీ ఉపాధ్యక్షులు కే.శ్రీనివాస్‌, సలహాదారులు కత్తి శ్రీను, బి.సాయన్న, ఎం.గిరీష్‌, దేవిదాస్‌, స్వామిదాస్‌, పంతుళ్ళు, పూజారులు కిరణ్‌, కిరీటి, చేపూర్‌ గ్రామ ప్రజలు, భక్తులు, చుట్టుపక్కల గ్రామాల ప్రజలు భక్తులు తదితరులు పాల్గొన్నారు.
