ఆర్చరీ శిక్షణ శిబిరాన్ని సద్వినియోగం చేసుకోండి

నిజామాబాద్‌, ఏప్రిల్‌ 25

నిజామాబాద్‌ న్యూస్‌ డాట్‌ ఇన్‌ : తెలంగాణ రాష్ట్ర క్రీడ ప్రాధికార సంస్థ హైదరాబాద్‌ ఆదేశాల మేరకు జిల్లా కేంద్రంలోని రాజారాం స్టేడియం, నాగారంలో ఆర్చరీ ఖేలో ఇండియా శిక్షణ శిబిరాన్ని గత సంవత్సరం డిసెంబర్‌ 28 న ప్రారంభించారు.

ఆర్చరీ శిక్షణ శిబిరాన్ని 12-18 మధ్య వయసుగల విద్యార్థిని విద్యార్థులు సద్వినియోగం చేసుకోవాలని జిల్లా యువజన క్రీడల అధికారి ముత్తన్న ఒక ప్రకటనలో తెలిపారు. ఇప్పటికే శిక్షణ కేంద్రంలో 20 మంది క్రీడాకారులు తర్ఫీదు పొందుతున్నారని ఆయన తెలిపారు. ప్రతిరోజు ఉదయం 7 నుండి 9 సాయంత్రం 4 నుండి 6 గంటల వరకు శిక్షణ ఇవ్వబడుతుందని ఆయన తెలిపారు. ఇతర వివరాలకు మద్దుల మురళి కోచ్‌ 9848919480 కు సంప్రదించాలని కోరారు.