పారిశుద్ధ్య కార్మికులకు ఘన సన్మానం

రెంజల్‌, మే 1

నిజామాబాద్‌ న్యూస్‌ డాట్‌ ఇన్‌ : రెంజల్‌ మండల కేంద్రంలోని గ్రామపంచాయతీలో కార్మికుల దినోత్సవం మేడే సందర్భంగా పారిశుధ్య కార్మికులను సోమవారం స్థానిక సర్పంచ్‌, సర్పంచుల ఫోరం మండల అధ్యక్షుడు మర్ల మషికారి రమేష్‌ కుమార్‌ శాలువా పూలమాలలతో ఘనంగా సన్మానించారు.

ఈ సందర్భంగా ఆయన మాట్లాడుతూ గ్రామాలను పరిశుభ్రంగా ఉంచడంలో కీలకపాత్ర పంచాయతీ పారిశుద్ధ్య కార్మికులదేనని ఎండ, వానను సైతం లెక్కచేయకుండా గ్రామాన్ని పరిశుభ్రంగా ఉంచేందుకు నిరంతరం శ్రమించే కార్మికుడు పారిశుద్ధ్య కార్మికులేనని వారి సేవలను వెలకట్టలేమని అన్నారు. ప్రపంచ కార్మికుల దినోత్సవాన్ని పురస్కరించుకొని పారిశుద్ధ్య కార్మికులను సన్మానించారు. కార్యక్రమంలో పంచాయతీ సిబ్బంది తదితరులు ఉన్నారు.