Telangana Live Telangana Live News and Views 24X7
కామారెడ్డి, మే 4
నిజామాబాద్‌ న్యూస్‌ డాట్‌ ఇన్‌ : గీతా పారిశ్రామిక సహకార సంఘం నెంబర్‌ వన్‌ కామారెడ్డి ఆధ్వర్యంలో సీఎం కేసీఆర్‌ చిత్రపటానికి పాల అభిషేకం చేశారు. ఈ సందర్భంగా సొసైటీ అధ్యక్షులు బండారి రాజ గౌడ్‌, మాజీ అధ్యక్షులు గోపి గౌడ్‌, హరికిషన్‌ గౌడ్‌ మాట్లాడుతూ సీఎం కేసీఆర్‌ రైతు బీమా తరహా గీత కార్మికులకు ప్రమాద బీమా పథకం వర్తిస్తుందని చెప్పినందుకు, వారికి ప్రత్యేకంగా ధన్యవాదాలు తెలుపుతున్నామన్నారు.
మంత్రి శ్రీనివాస్‌ గౌడ్‌కి, కామారెడ్డి ఎమ్మెల్యే ప్రభుత్వ విప్‌ గంప గోవర్ధన్‌కి ప్రత్యేక కృతజ్ఞత ధన్యవాదాలు తెలుపుతున్నామన్నారు. ఇప్పటివరకు ఎన్నో ప్రభుత్వాలు వచ్చాయి కానీ, గౌడ కులస్తులను ఆదుకోలేరని, కానీ తెలంగాణ రాష్ట్ర ప్రభుత్వం వచ్చిన తర్వాత సీఎం కేసీఆర్‌ అన్ని విధాలుగా ఆదుకుంటున్నారని తెలిపారు. కార్యక్రమంలో బి చంద్రగౌడ్‌, కె పోచగౌడ్‌, బి రామచంద్రం గౌడ్‌, మోతే సతీష్‌ గౌడ్‌, సీసాల నారాగౌడ్‌, కంచర్ల నర్సాగౌడ్‌, సంఘ సభ్యులు, గీత కార్మికులు పాల్గొన్నారు.
