Telangana Live Telangana Live News and Views 24X7
కామారెడ్డి, మే 10
నిజామాబాద్‌ న్యూస్‌ డాట్‌ ఇన్‌ : అంకితభావంతో పని చేసిన ఉద్యోగులు సమాజంలో గుర్తింపు పొందుతారని కలెక్టర్‌ జితేష్‌ వి పాటిల్‌ అన్నారు. కామారెడ్డి కలెక్టర్‌ కార్యాలయంలో బుధవారం జిల్లా ఉద్యోగుల సంక్షేమ సంఘం ఆధ్వర్యంలో పదోన్నతి పై వెళ్లిన ఎల్డీఎం చిందం రమేష్‌ కు సన్మానం చేశారు. ఈ సందర్భంగా కలెక్టర్‌ మాట్లాడారు. ఉద్యోగులకు బదిలీలు, పదోన్నతులు సహజమన్నారు.
ఉద్యోగులు సేవాభావం అలవర్చుకోవాలని చెప్పారు. ఎల్డిఎం రమేష్‌ ఏజియంగా పదోన్నతి పై మదురై (తమిళనాడు) వెళ్లారు. ఇక్కడికి హైదరాబాద్‌ కెనరా బ్యాంక్‌ ఎల్డిఎమ్‌ గా పనిచేసిన భార్గవ్‌ సుధీర్‌ బదిలీపై వచ్చారు. ఈ సందర్భంగా ఎల్డీఎం రమేష్‌ కు ఉద్యోగులు, టీఎన్జీవోఎస్‌ ప్రతినిధులు సన్మానం చేశారు. కార్యక్రమంలో జిల్లా ఉద్యోగుల సంక్షేమ సంఘం అధ్యక్షుడు రాజారామ్‌, ప్రధాన కార్యదర్శి దయానంద్‌, జిల్లా టిఎన్జీవోఎస్‌ అధ్యక్షుడు నరాల వెంకటరెడ్డి, కార్యదర్శి సాయిలు, జిల్లా అధికారులు రాజు, సతీష్‌ యాదవ్‌, సంతోష్‌ కుమార్‌ పాల్గొన్నారు.
