ప్రమాదవశాత్తు పూరిగుడిసె దగ్ధం

ఎడపల్లి, మే 11

నిజామాబాద్‌ న్యూస్‌ డాట్‌ ఇన్‌ : అర్ధరాత్రి ప్రమాదవశాత్తు పూరిగుడిసెలో మంటలు చెలరేగడంతో గుడిసెలోని వస్తువులన్నీ కాలి బూడిదైన సంఘటన ఎడపల్లి మండలం జానకంపేట్‌ గ్రామంలో చోటుచేసుకొంది. వివరాలిలా ఉన్నాయి.. గ్రామానికి చెందిన ఉప్పు భూమయ్యకు చెందిన పూరిగుడిసెలో బుధవారం అర్థరాత్రి 3 గంటల సమయంలో ఒక్కసారిగా మంటలు చెలరేగాయి. దీంతో అప్రమత్తమైన కాలనీ వాసులు ఘటనా స్థలానికి చేరుకొని మంటలను అర్పివేసే ప్రయత్నాలు చేశారు.

స్థానికుల సమాచారం మేరకు ఘటనా స్థలానికి చేరుకొన్న ఫైర్‌ సిబ్బంది మంటలను అర్పివేశారు. పూరిగుడిసెలో ఉన్న 5 క్వింటాళ్ల వరి ధాన్యంతో పాటు పలు ఇంటి వస్తువులు, టేకు కర్రలు, పశుగ్రాసం అగ్నికి అహుతయ్యాయని బాధితుడు తెలిపారు. ఈ ఘటనలో సుమారు ఒక లక్ష రూపాయల ఆస్తి నష్టం వాటిల్లిందని పేర్కొన్నారు. ప్రభుత్వం నుండి సహాయం అందేలా చర్యలు తీసుకొంటామని రెవెన్యూ అధికారులు తెలిపారు.