లక్కీ డ్రా ద్వారా విద్యార్థుల ఎంపిక

కామారెడ్డి, జూన్‌ 7

నిజామాబాద్‌ న్యూస్‌ డాట్‌ ఇన్‌ : లక్కీ డ్రా ద్వారా 45 మంది గిరిజన విద్యార్థుల ఎంపిక చేపట్టారు. కామారెడ్డి కలెక్టర్‌ కార్యాలయంలోని సమావేశ మందిరంలో బుధవారం 3, 5,8 బెస్ట్‌ అవైలబుల్‌ స్కూల్స్‌ కోసం జిల్లా కలెక్టర్‌ జితేష్‌ వి పాటిల్‌ ఆధ్వర్యంలో లక్కీ డ్రా నిర్వహించారు.

మూడవ తరగతికి 15 మంది బాలురు, 8 మంది బాలికలను ఎంపిక చేశారు. ఐదవ తరగతికి ఏడుగురు బాలురు, నలుగురు బాలికలను ఎంపిక చేపట్టారు. 8వ తరగతికి ఏడుగురు బాలురు, నలుగురు బాలికలను ఎంపిక చేశారు. కార్యక్రమంలో జిల్లా విద్యాశాఖ అధికారి రాజు, జిల్లా గిరిజన అభివృద్ధి అధికారి శ్రీనివాస్‌ రెడ్డి, అధికారులు, విద్యార్థులు, తల్లిదండ్రులు పాల్గొన్నారు.