Telangana Live Telangana Live News and Views 24X7
కామారెడ్డి, జూన్‌ 10
నిజామాబాద్‌ న్యూస్‌ డాట్‌ ఇన్‌ : కామారెడ్డి పట్టణంలోని గ్రూపు-1 పరీక్ష కోసం 11 పరీక్ష కేంద్రాలను ఏర్పాటు చేసినట్లు జిల్లా కలెక్టర్‌ జితేష్‌ వి పాటిల్‌ తెలిపారు.
అభ్యర్థులకు సూచనలు
గ్రూప్‌ -1 ప్రిలిమినరీ పరీక్ష ఈ నెల 11న ఆదివారం ఉదయం 10:30 నుంచి 1:00 వరకు జరుగుతుందని తెలిపారు. అభ్యర్థులు పరీక్ష గదులలోకి 8:30 నుంచి 10:15 వరకు మాత్రమే అనుమతిస్తారు. పరీక్షా కేంద్రాలకు రెండు గంటల ముందే చేరుకోవాలి. కామారెడ్డి పట్టణంలోని 11 పరీక్షా కేంద్రాలలో 4549 మంది అభ్యర్థులు పరీక్ష రాయనున్నారు.
అభ్యర్థులు మొబైల్‌ ఫోన్లు, క్యాలిక్యులేటర్‌, మ్యాథమెటికల్‌ టేబుల్స్‌, లాగ్‌ బుక్స్‌, పేజర్స్‌, టాబ్లెట్స్‌, బ్లూటూత్‌ పరికరాలు, గడియారం, వాలెట్‌, చేతి బ్యాగులు, నోట్స్‌, ఇతర ఎటువంటి ఎలక్ట్రానిక్‌ పరికరాలు తెచ్చుకోకూడదు. అభ్యర్థులు బూట్లు ధరించకూడదు. చెప్పులు మాత్రమే వేసుకుని హాజరు కావాలి. అభ్యర్థులు బ్లూ లేదా బ్లాక్‌ పాయింట్‌ పెన్‌ తో ఓఎంఆర్‌ షీట్‌లో సమాధానం బబ్లింగ్‌ చేయవలసి ఉంటుంది.పెన్‌ మాత్రమే తెచ్చుకోవాలి.
హాల్‌ టికెట్‌లో అభ్యర్థి ఫోటో లేకపోతే పాస్‌ పోర్ట్‌ సైజ్‌ ఫోటో అతికించి, గజిటెడ్‌ అధికారితో సంతకం చేయించుకోవాలి. అదనంగా మరో ఫోటో తో పరీక్ష కేంద్రానికి రావాలి. ప్రతి అభ్యర్థి హాల్‌ టికెట్‌ తో పాటు ఆధార్‌ కార్డు లేదా ఏదైనా అధికార గుర్తింపు పత్రం తప్పనిసరి తెచ్చుకోవాలి. జిల్లాలోని దూర ప్రాంతాల నుంచి అభ్యర్థులు సకాలంలో చేరుకోవడానికి ఆర్టీసీ ప్రత్యేక బస్సు సౌకర్యం ఏర్పాటు చేసింది. పరీక్షా కేంద్రాల సమీపంలో 144 సెక్షన్‌ అమలులో ఉంటుంది. జిరాక్స్‌ కేంద్రాలు, ఇంటర్నెట్‌ కేంద్రాలు మూసి వేయాలి.
