సాటాపూర్‌లో దివ్యాంగుల మేళ

రెంజల్‌, జూన్‌ 15

నిజామాబాద్‌ న్యూస్‌ డాట్‌ ఇన్‌ : రెంజల్‌ మండలంలోని సాటాపూర్‌ గ్రామంలో శనివారం దివ్యాంగుల మేళ నిర్వహిస్తున్నట్లు బోధన్‌ డిపో మేనేజర్‌ టిఎన్‌ స్వామి గురువారం ఒక ప్రకటన విడుదల చేశారు.

సదరం సర్టిఫికెట్‌ ఆధారంగా బస్‌ పాసులను జారీ చేయడం జరుగుతుందని ఉదయం 10 గంటల నుండి సాయంత్రం 5 గంటల వరకు సాటాపూర్‌ గ్రామంలో మేళ కొనసాగుతుందని మండలంలోని ఆయా గ్రామాలలో ఉన్న దివ్యాంగులు అవకాశాన్ని సద్వినియోగం చేసుకోవాలని అన్నారు.