డిగ్రీ విద్యార్థులకు ముఖ్య గమనిక

డిచ్‌పల్లి, జూన్‌ 15

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయం పరిధిలో జరుగుతున్న డిగ్రీ బ్యాక్లాగ్‌ పరీక్షల తేదీల్లో మార్పులు చేసినట్లు పరీక్షల నియంత్రణ అధికారిని ప్రొఫెసర్‌ అరుణ గురువారం ఒక ప్రకటనలో తెలిపారు.

1వ మరియు 6వ సెమిస్టార్‌ కు చెందిన జియోగ్రఫీ సబ్జెక్టు పరీక్ష ఈ నెల 20 జరగాల్సి ఉండగా 27వ తేదీకీ, 2వ, 3వ,4వ సెమిస్టరు జియోగ్రఫీ పరీక్ష లు ఈ నెల 21న జరగాల్సి ఉండగా 28వ తేదీకి, 5వ సెమిస్టర్‌ జియోగ్రఫీ పరీక్ష 23వ తేదిన జరగాల్సి ఉండగా జులై 08వ తేదీ కీ, 1వ సెమిస్టర్‌ ఇన్ఫర్మేషన్‌ టెక్నాలజీ పరీక్ష ఈ నెల 22న జరగాల్సి ఉండగా 24వ తేదికి, 3వ,4వ సెమిస్టర్‌ మ్యాథమెటిక్స్‌ పరీక్ష ఈ నెల 26న ఉండగా ముందస్తు గా 23వ తేదికి మర్చామని, అదే విధంగా 3వ సెమిస్టర్‌ కి చెందిన ప్రోగ్రామింగ్‌ విత్‌ సీ పరీక్ష 23న జరగాల్సి ఉండగా ఈ నెల 28 వ తేది న నిర్వహిస్తున్నట్లు పరీక్షల నియంత్రణ అధికారి ప్రొఫెసర్‌ అరుణ గురువారం ఒక ప్రకటనలో తెలిపారు. కావున సంబంధిత విద్యార్థులు ఈ విషయాన్ని గమనించాలని కోరారు. పూర్తి వివరాలకు యూనివర్సిటీ వెబ్‌ సైట్‌ని సంప్రదించాలని సూచించారు.