జుక్కల్‌లో ఆక్సీజన్‌ పార్కు ప్రారంభం

జుక్కల్‌ జూన్‌ 19

నిజామాబాద్‌ న్యూస్‌ డాట్‌ ఇన్‌ : జుక్కల్లో ఆక్సిజన్‌ పార్కును సోమవారం జహీరాబాద్‌ ఎంపీ బీబీ పాటిల్‌ ప్రారంభించారు. రుర్బన్‌ పథకం కింద ఈ పార్కును ఏర్పాటు చేసినట్లు ఆయన తెలిపారు. హరితోత్సవం కార్యక్రమంలో భాగంగా ఈ పార్కును ప్రారంభించడం పట్ల హర్షం వ్యక్తం చేశారు. జుక్కల్‌ గ్రామ యువకులు ఈ పార్కును వినియోగించుకోవాలని సూచించారు. ఈ సందర్భంగా ఎమ్మెల్యే హనుమంత్‌ షిండే మాట్లాడారు.

జిల్లా కలెక్టర్‌ జితేష్‌ వి పాటిల్‌ ప్రత్యేక శ్రద్ధ చూపడం వల్ల ఈ పార్కు పూర్తయిందని తెలిపారు. రూల్బన్‌ పథకం కింద జుక్కల్‌ మండలంలో 14 బస్టాండ్‌ లోని నిర్మించినట్లు చెప్పారు. ఎంపీ బీబీ పాటిల్‌ రూర్బన్‌ పథకాన్ని జుక్కల్‌ మండల్‌ కు మంజూరు చేయడానికి కృషి చేశారని ఎమ్మెల్యే అభినందించారు. జిల్లా కలెక్టర్‌ జితేష్‌ వి పాటిల్‌ మాట్లాడారు. ఈ పార్కును గ్రామపంచాయతీ పాలకవర్గం సంరక్షణ చేయాలని తెలిపారు. విద్యార్థులకు కావలసిన ఆటవస్తులు పార్కులో ఉన్నాయని చెప్పారు. కార్యక్రమంలో ప్రజా ప్రతినిధులు, అధికారులు పాల్గొన్నారు.