వీధి వీధిలో వైదిక యజ్ఞము

నిజామాబాద్‌, జూలై 2

నిజామాబాద్‌ న్యూస్‌ డాట్‌ ఇన్‌ : నిజామాబాద్‌ నగరంలోని విశ్వవికాస్‌ పాఠశాలలో ఆదివారం ఆర్యసమాజము ఇందూరు ఆధ్వర్యంలో యజ్ఞము, సత్సంగ కార్యక్రమం నిర్వహించారు. స్వామి దయానంద సరస్వతి 200 సంవత్సరాల జయంతి ఉత్సవాల నేపథ్యంలో వీధి వీధిలో యజ్ఞ కార్యక్రమాలు నిర్వహిస్తున్నట్టు ఆచార్య వేదమిత్ర పేర్కొన్నారు.

యజ్ఞము ద్వారా పర్యావరణము శుద్ధి అవుతుందని, వ్యాధుల బాధలు దూరమవుతాయని ఆర్యసమాజ అధ్యక్షులు సూర్యప్రకాశ్‌ వివరించారు. కార్యక్రమంలో ఆర్యసమాజ ప్రతినిధులు, పిల్లలు, కాలనీ వాసులు, తదితరులు పాల్గొన్నారు.