ఆహారాన్ని వృధా చేయకండి

జక్రాన్‌పల్లి, జూలై 6

నిజామాబాద్‌ న్యూస్‌ డాట్‌ ఇన్‌ : జక్రాన్‌ పల్లి గ్రామానికి చెందిన ఎం.పీ.టీ.సీ రూపాల గంగారెడ్డి తన పుట్టినరోజు సందర్భంగా సేవ్‌ లైఫ్‌ ఫౌండేషన్‌ వారి సౌజన్యంతో నిరుపేదలకు అన్నదానం చేశారు. ఈ సందర్భంగా గంగారెడ్డి మాట్లాడుతూ సేవ్‌ లైఫ్‌ ఫౌండేషన్‌ సేవా కార్యక్రమాలు అభినందనీయమని, అంతేకాకుండా స్నేహితుల మధ్యన పుట్టినరోజు వేడుకలను జరుపుకొని డబ్బులు వృధా చేసే బదులు అదే డబ్బులను పదిమంది ఆకలి తీర్చే విధంగా ఉపయోగపడాలని కోరారు.

ఈ సందర్భంగా సేవ్‌ లైఫ్‌ ఫౌండేషన్‌ ప్రభాస్‌, దినేష్‌ సభ్యులు మాట్లాడుతూ పుట్టినరోజు, పెళ్లిరోజు నాడు ఎవరైనా అన్నదానం చేయాలనుకుంటే తమ ఫౌండేషన్‌ నెంబర్‌ 8341 321 438 కు సంప్రదించాలని తెలిపారు. కార్యక్రమంలో నరేష్‌, దినేష్‌, లోకేష్‌, ఉదయ్‌, రాజేష్‌, ధర్మేందర్‌, చోటు, మోటు, దినేష్‌ తదితరులు పాల్గొన్నారు.