ఆగష్టు 3 వరకు పరీక్ష ఫీజు గడువు

డిచ్‌పల్లి, జూలై 31

నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయం పరిధిలో బిఈడి 4వ సెమిస్టర్‌ రెగ్యులర్‌ మరియు 1,2, 3,4వ సెమిస్టర్‌ (2019, 2020, 2021, 2022 బ్యాచ్‌ల) బ్యాక్‌లాగ్‌ థియరీ పరీక్షలకు సంబంధించిన పరీక్ష ఫీజు చెల్లించడానికి ఆగస్టు 3వ తేదీ వరకు గడవు ఉందని, 4వ తేదీ వరకు 100 రూపాయల అపరాధ రుసుముతో ఫీజు చెల్లించుకోవచ్చని పరీక్షల నియంత్రణ అధికారిని ప్రొఫెసర్‌ అరుణ సోమవారం ఒక ప్రకటనలో తెలిపారు.

కావున సంబంధిత విద్యార్థులు ఈ అవకాశం సద్వినియోగం చేసుకోవాలని సిఓఈ పేర్కొన్నారు. పూర్తి వివరాలకు తెలంగాణ యూనివర్సిటీ వెబ్‌ సైట్‌ని సంప్రదించాలని సూచించారు