సమాజ హితం కోసం పనిచేయడం అభినందనీయం

కామారెడ్డి, ఆగష్టు 1

నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా కేంద్రంలో గల సెవెన్‌ హార్ట్స్‌ ఆర్గనైజేషన్‌ ఎన్జీవో స్వచ్ఛంద సేవా సంస్థ ప్రతినిధులు కామారెడ్డి వైద్య కళాశాల ప్రొఫెసర్‌ డాక్టర్‌ రామ్‌ సింగ్‌ గారిని మర్యాదపూర్వకంగా కలిసి ఎన్జీవో తరపున చేస్తున్న సేవా కార్యక్రమాలను వివరించారు.

ఈ సందర్భంగా ప్రొఫెసర్‌ డాక్టర్‌ రామ్‌ సింగ్‌ మాట్లాడుతూ ఈ సమాజంలో మారుతున్న పరిణామాలు, పరిస్థితుల దృష్ట్యా సమాజ హితం కోసం సెవెన్‌ హార్ట్స్‌ ఆర్గనైజేషన్‌ ఎన్జీవో ప్రతినిధులు పనిచేయడం అభినందనీయమని పేర్కొన్నారు. ఈ సందర్భంగా ఎన్జీవో ప్రతినిధులు ప్రొఫెసర్‌ని సన్మానించారు. కార్యక్రమంలో ఎన్జీవో ప్రతినిధులు జీవన్‌ నాయక్‌, మసూద్‌, నరేష్‌, సంతోష్‌ రెడ్డి, నర్సింలు, వెంకటి, పవన్‌ కళ్యణ్‌, దేవేందర్‌, నాయకులు ఓంకార్‌ పాల్గొన్నారు.