ఘనంగా మాజీమంత్రి జన్మదిన వేడుకలు

రెంజల్‌, ఆగష్టు 2

నిజామాబాద్‌ న్యూస్‌ డాట్‌ ఇన్‌ : మాజీమంత్రి, టీపీసీసీ కోశాధికారి సుదర్శన్‌ రెడ్డి 76 వ జన్మదినవేడుకలు బుధవారం రెంజల్‌ మండల కేంద్రంలో కాంగ్రెస్‌ పార్టీ మండల అధ్యక్షుడు, మాజీ ఎంపీపీ మోబిన్‌ ఖాన్‌ ఆధ్వర్యంలో ఘనంగా నిర్వహించారు. కస్తూర్బా గాంధీ పాఠశాలలో విద్యార్థుల మధ్యన కేక్‌ కట్‌ చేసి పండ్లను పంపిణీ చేశారు.

అంగన్వాడీ కేంద్రంలో చిన్నారులకు స్వీట్లు పంచారు. రెంజల్‌ రైతు వేదికలో అన్నదానం కార్యక్రమం నిర్వహించారు. అనంతరం వారు మాట్లాడుతూ భగవంతుడు సుదర్శన్‌ రెడ్డిని నిండు నూరేళ్లు ఆయురారోగ్యాలు ప్రసాదించాలన్నారు. కార్యక్రమంలో మాజీ జడ్పీటీసీ నాగభూషణ్‌ రెడ్డి, మాజీ మండల అధ్యక్షులు రాములు, సాయరెడ్డి, నాయకులు జావిదోద్ధీన్‌, శంకర్‌ గౌడ్‌, సాయిబాబా గౌడ్‌, సురేందర్‌ గౌడ్‌, ఎమ్‌ఎల్‌ రాజు, బాబు, కార్తిక్‌, సాయిలు, కిరణ్‌, కృష్ణ, శంషోద్దీన్‌ నాయకులు తదితరులు పాల్గొన్నారు.