Telangana Live Telangana Live News and Views 24X7
బాన్సువాడ, ఆగష్టు 20
నిజామాబాద్‌ న్యూస్‌ డాట్‌ ఇన్‌ : బాన్సువాడ పట్టణంలోని రాజీవ్‌ చౌరస్తాలో కాంగ్రెస్‌ పార్టీ నియోజకవర్గ ఇన్చార్జి కాసుల బాలరాజ్‌ ఆధ్వర్యంలో రాజీవ్‌ గాంధీ జయంతి సందర్భంగా ఆయన విగ్రహానికి పూలమాలలు వేసి అర్పించారు. ఈ సందర్భంగా కాంగ్రెస్‌ పార్టీ నియోజకవర్గ ఇన్చార్జ్‌ కాసుల బాలరాజ్‌ మాట్లాడుతూ రాజీవ్‌ గాంధీ దేశంలో తీసుకొచ్చిన సంస్కరణ వల్ల నేటి యువత విదేశాల్లో రాణిస్తున్నారన్నారు.
కేంద్ర ప్రభుత్వం నుండి నేరుగా గ్రామపంచాయతీలకు నిధులు పంపించిన ఘనత రాజీవ్‌ గాంధీకే దక్కుతుందన్నారు. గ్రామాల అభివృద్ధికి ఆయన చేసిన సంస్కరణ వల్ల నేడు గ్రామాలు అభివృద్ధి చెందుతున్నాయని, ఆయన తీసుకువచ్చిన సంస్కరణల వల్ల దేశంలో ఎన్నో మార్పులు జరిగాయన్నారు. రాజీవ్‌ గాంధీ స్ఫూర్తిగా ఆయన ఆశయాలను నెరవేర్చాల్సిన బాధ్యత ప్రతి కాంగ్రెస్‌ కార్యకర్తపై ఉందన్నారు.
కార్యక్రమములో మాజీ కిసాన్‌ కాంగ్రెస్‌ అధ్యక్షులు హన్మాండ్లు, బ్లాక్‌ కాంగ్రెస్‌ అధ్యక్షులు అసద్‌ బిన్‌ మోసీన్‌, మండల అధ్యక్షులు మంత్రి గణేష్‌, షాహబ్‌, అజీమ్‌, నార్ల రాఘవేంద్ర గుప్తా, మైనారిటీ అధ్యక్షులు అఫ్రోజ్‌, డైరెక్టర్‌ సాయిలు, పార్టీ ఉపాధ్యక్షుడు జీవన్‌, అజీమ్‌, దాసరి శ్రీనివాస్‌, కొట్టం గంగాధర్‌, గొల్ల వెంకన్న యాదవ్‌, హన్మాండ్లు, విట్టల్‌ రెడ్డి, మన్నన్‌, ఫిరోజ్‌, వెంకట్‌ రెడ్డి, పట్టణ అధ్యక్షులు మన్సూర్‌, సలీం, దత్తు, గంగాధర్‌, కాంగ్రెస్‌ పార్టీ నాయకులు కార్యకర్తలు తదితరులు పాల్గొన్నారు.
