లయన్స్‌ క్లబ్‌ ఆధ్వర్యంలో క్రీడా సామాగ్రి పంపిణీ

ఆర్మూర్‌, ఆగష్టు 22

నిజామాబాద్‌ న్యూస్‌ డాట్‌ ఇన్‌ : లయన్స్‌ క్లబ్‌ అఫ్‌ ఆర్మూర్‌ ఆధ్వర్యంలో లయన్స్‌ క్లబ్‌ అధ్యక్షులు మోహన్‌ దాస్‌ హేమలత జిల్లా పరిషద్‌ పెర్కిట్‌ పాఠశాలలో, బాలుర పాఠశాల ఆర్మూర్‌లో క్రీడాకారులకు వాలీబాల్స్‌, టెన్నికైట్స్‌ వితరణ చేశారు.

ఈ సందర్బంగా లయన్స్‌ క్లబ్‌ అధ్యక్షులు మోహన్‌ దాస్‌ మాట్లాడుతూ ప్రపంచ వ్యాప్తంగా 205 దేశాలలో లయన్స్‌ సేవలు నిర్వహించడం జరుగుతుందని, అలాగే మన లయన్స్‌ భవన్‌ ఆర్మూర్‌లో కంటి చికిత్సలు ఉచితంగా నిర్వహిస్తున్నామని ఆర్మూర్‌ పరిసర ప్రాంత వాసులు వినియోగించుకోవాలని సూచించారు.

లయన్స్‌ సేవలలో భాగంగానే పాఠశాల క్రీడాకారులకు క్రీడా సామాగ్రీ వాలీబాల్స్‌, టెన్నికైట్స్ని హేమలత వితరణ చేశారు. కార్యక్రమంలో లయన్స్‌ లోచర్‌ చంద్రశేఖర్‌, జ్ఞానీ చావుల బాలికల పాఠశాల ప్రధానోపాధ్యాయులు కవిత, పీడి మల్లేష్‌ గౌడ్‌, పెర్కిట్‌ పాఠశాల ఇంచార్జి ప్రధానోపాధ్యాయులు రవికుమార్‌, వ్యాయామ ఉపాధ్యాయులు నాగశయన్‌ ఉపాధ్యాయులు తదితరులు పాల్గొన్నారు.