Telangana Live Telangana Live News and Views 24X7
కామారెడ్డి, ఆగష్టు 29
నిజామాబాద్‌ న్యూస్‌ డాట్‌ ఇన్‌ : బిచ్కుంద ఎస్‌.హెచ్‌.ఓ. పరిధిలోని పిట్లం మండలం మద్దెల చెరువు షాప్‌ నెంబర్‌ 48 మంగళవారం కలెక్టరేట్‌ లోని కాన్ఫరెన్స్‌ హాల్‌ లో నిర్వహించిన లక్కీ డ్రా లో రంగు శ్రావణ్‌ కుమార్‌కు వరించింది. 2023-25 నూతన మద్యం పాలసీలో భాగంగా జిల్లాలోని 49 మద్యం దుకాణాలకు గాను ఈ నెల 21 న లక్కీ డ్రా నిర్వహించగా 48 వ దుకాణమునకు కేవలం రెండే దరఖాస్తులు వచ్చినందున ఈ ఒక్క షాపుకు లక్కీ డ్రా నిర్వహించని విషయం విదితమే.
మరింత విస్తృత ప్రచారం కల్పిస్తూ ఈ నెల 28 వరకు దరఖాస్తులు స్వీకరించగా మొత్తం 32 దరఖాస్తులు వచ్చాయి. మంగళవారం కాన్ఫరెన్స్‌ హాల్‌లో దరఖాస్తుదారుల సమక్షంలో వీడియో చిత్రీకరణ, ఫోటోగ్రఫి మధ్య పూర్తి పారదర్శకముగా జిల్లా కలెక్టర్‌ జితేష్‌ వి పాటిల్‌ లక్కీ డ్రా తీయగా సికింద్రాబాదులోని లాలాపేట్‌ కు చెందిన రంగు శ్రావణ్‌ కుమార్‌ కు 48వ దుకాణం దక్కింది. వీరు ఒకే దరఖాస్తు వేశారు. కార్యక్రమంలో ఆబ్కారీ పర్యవేక్షకులు రవీందర్‌ రాజు, ఆబ్కారీ సి.ఐ. లు, ఎస్‌.ఐ. లు ఉన్నారు.
