15న జిల్లా స్థాయి ఉపన్యాస పోటీలు

నిజామాబాద్‌, సెప్టెంబర్‌ 11

నిజామాబాద్‌ న్యూస్‌ డాట్‌ ఇన్‌ : మహాత్మా గాంధీ జయంతి సందర్భంగా దేశవ్యాప్తంగా నెహ్రూ యువ కేంద్ర జాతీయ స్థాయిలో నిర్వహిస్తున్న పోటీలలో భాగంగా జిల్లా స్థాయిలో పోటీలను నిర్వహిస్తున్నట్టు నిజామాబాద్‌, నెహ్రూ యువ కేంద్ర, జిల్లా యువజన అధికారిణి శైలి బెల్లాల్‌ ఒక ప్రకటనలో తెలిపారు. అందులో భాగంగా ఈ నెల 15వ తేదీ శుక్రవారం ఉదయం 11 గంటలకి సుభాష్‌ నగర్‌ నెహ్రూ యువ కేంద్ర కార్యాలయంలో పోటీలు నిర్వహించబడతాయన్నారు.

అభ్యర్థులకు సూచనలు :
ఉపన్యాస అంశం : ‘‘నేటి ప్రపంచానికి గాంధేయవాద ఆవశ్యకత’’
వయసు : 18 – 29 సం రాల మధ్యలో ఉండాలి.
ఉపన్యాసం కేవలం హిందీ లేదా ఇంగ్లీషు లో మాత్రమే ఉండాలి.
ఉపన్యాస నిడివి కేవలం 3 నిమిషాలకి మించకూడదు.

ఈ జిల్లా పోటీలో గెలుపొందిన వారు రాష్ట్ర స్థాయి పోటీలకు, రాష్ట్ర స్థాయి లో గెలిచిన వారు అక్టోబర్‌ 2 రోజున జాతీయ స్థాయిలో జరిగే పోటీలలో పాల్గొనవచ్చు.
పోటీలలో పాల్గొన దాలచిన వారు సెప్టెంబర్‌ 14 సాయంత్రం 5గం ల లోపు ఈ నెంబర్‌ కు 9100435410 వాట్సాప్‌ ద్వారా తమ పేరు, వివరాలు పంపి నమోదు చేసుకోగలరు. అవకాశాన్ని యువతీయువకులు సద్వినియోగం చేసుకోవాలని కోరారు.