చంద్రబాబు నాయుడి క్షేమం కొరకు ప్రత్యేక పూజలు

నందిపేట్‌, సెప్టెంబర్‌ 14

నిజామాబాద్‌ న్యూస్‌ డాట్‌ ఇన్‌ : తెలుగుదేశం పార్టీ జాతీయ అధ్యక్షుడు నారా చంద్రబాబునాయుడు జైలు నుండి క్షేమంగా తిరిగి రావాలని కోరుతూ తెలంగాణ రాష్టం లోని నిజామాబాద్‌ జిల్లా నందిపేట మండల కేంద్రంలో ఉన్న ఆంధ్ర మెస్త్రిలు సాయిబాబా ఆలయంలో ప్రత్యేక పూజలు చేశారు.

ఉమ్మడి రాష్టానికి రెండు సార్లు ప్రత్యేక ఆంధ్రకు ఒకసారి ముఖ్యమంత్రి పదవి చేపట్టిన జాతీయ స్థాయి నాయకుడిపై కక్ష పూరితంగా కేసులు బనాయించి జైల్‌కు పంపడం పట్ల అన్యాయం అని ద్వజమెత్తారు. న్యాయ పోరాటంలో బాబు గెలిచి క్షేమంగా తిరిగి రావాలని ప్రార్థన చేశామని వారు తెలిపారు. దొడ్డ వెంకటపల్లి గ్రామస్తులు వాల్మీకి వారు కొప్పుల మల్లికార్జున, కొప్పుల మధుసూదన్‌, ఏడుకొండలు, తదితర 50 మంది పైగా తాపీ మేస్త్రిలు పాల్గొన్నారు.