లక్ష ఉండ్రాలతో గణనాధుని పూజ

బాన్సువాడ, సెప్టెంబర్‌ 26

నిజామాబాద్‌ న్యూస్‌ డాట్‌ ఇన్‌ : బాన్సువాడ పట్టణంలోని టీచర్స్‌ కాలనీలో సిద్ధి వినాయక గణేష్‌ మండలి ఆధ్వర్యంలో గణేష్‌ నవరాత్రి ఉత్సవాలలో సందర్భంగా మంగళవారం వినాయకుడికి మహిళ భక్తులు ఉండ్రాలతో ప్రత్యేక పూజలు నిర్వహించారు. నవరాత్రి ఉత్సవాల్లో భాగంగా గరక పూజ, ఉండ్రాళ్ళ పూజ,చప్పన్‌ బొగ్‌, 108 కమలాలతో ప్రత్యేక పూజలు నిర్వహించారు.

ప్రతిరోజు మధ్యాహ్నం అన్నదాన కార్యక్రమం నిర్వహించి రాత్రి భక్తులకు అల్పాహారం కార్యక్రమం నిర్వహించి, చిన్నారులు మహిళలు, రాజస్థాన్‌ మహిళలు దాండియా నృత్యాలతో పలువురిని ఆకట్టుకున్నారు. గణేష్‌ మండలి నిర్వాహకులు భక్తులకు సౌకర్యాలు కల్పించారు. కార్యక్రమంలో గణేష్‌ మండలి సభ్యులు, మహిళలు, చిన్నారులు భక్తులు, తదితరులు పాల్గొన్నారు.