Telangana Live Telangana Live News and Views 24X7
నిజామాబాద్‌, సెప్టెంబర్‌ 28
నిజామాబాద్‌ న్యూస్‌ డాట్‌ ఇన్‌ : మహా ప్రవక్త మహమ్మద్‌ సల్లల్లాహు అలైహి సల్లం జీవిత చరిత్ర తెలిపే గీటురాయి తెలుగు వార పత్రిక యొక్క ప్రత్యేక సంచికను నిజామాబాద్‌ జిల్లా పోలీస్‌ కమిషనర్‌ సత్యనారాయణ తన క్యాంప్‌ కార్యాలయంలో గురువారం ఆవిష్కరించారు.
(ఎంపీజే) మూమెంట్‌ ఫర్‌ పీస్‌ అండ్‌ జస్టిస్‌ సభ్యులు సిపి సత్యనారాయణను కలిసి మహా ప్రవక్త చరిత్రను తెలిపే ప్రత్యేక సంచికను సిపి చేతుల మీదుగా అవిస్కరించిన అనంతరం అట్టి సంచికను కానుకగా అందించారు. ఈ సందర్భంగా పోలీస్‌ కమిషనర్‌ మాట్లాడుతూ ప్రజలందరూ సోదర భావంతో పండుగలను శాంతియుత వాతావరణంలో జరుపుకోవాలని కోరారు.
మహా ప్రవక్త శాంతి ఉపదేశించారని అట్టి శాంతి మార్గంలో ప్రజలు నడవాలని ఆయన కోరారు. కార్యక్రమంలో ఎంపీజే అధ్యక్షుడు జహీరుద్దీన్‌, ఎంపీజే ఫౌండర్‌ మెంబర్‌ షేక్‌ హుస్సేన్‌ తదితరులు ఉన్నారు.
