సర్వర్‌ డౌన్‌….

నిజామాబాద్‌, సెప్టెంబర్‌ 28

నిజామాబాద్‌ న్యూస్‌ డాట్‌ ఇన్‌ : తెలంగాణ గురుకుల సొసైటీల టిజిటి పోస్టుల నియామకం కోసం గత నెల సిబిటి పద్దతిలో పరీక్ష నిర్వహించారు. కాగా సొసైటీల వారిగా, జోన్‌ల వారిగా వెబ్‌ ఆప్షన్లు ఎంపిక చేసుకోవాలని సూచించింది. ఇందుకు సంబంధించిన గడువు ఈనెల 30తో ముగియనుంది. అయితే సర్వర్‌ డౌన్‌ కావడంతో అభ్యర్థులు అవస్థలు పడుతున్నారు.

మహిళా అభ్యర్థులు మొత్తం 70 ఆప్షన్లు, పురుష అభ్యర్థులు మొత్తం 35 ఆప్షన్లు ఎంపిక చేసుకోవాల్సి ఉంది. ఇన్ని ఆప్షన్లు ఎంపిక చేసుకోవడానికి చాలా సమయం పడుతుందని, దీంతో కొన్ని సార్లు సగం ఆప్షన్లు ఎంపిక చేసుకోగానే సర్వర్‌ డౌన్‌ అయి మళ్ళీ మొదటి నుండి ఎంపిక చేసుకోవాల్సి వస్తుందని అభ్యర్థులు చెబుతున్నారు. చాలా మంది ఆప్షన్లు ఎంపిక చేసుకోని వారు ఉన్నారు, ప్రభుత్వం స్పందించి వెబ్‌ ఆప్షన్ల గడువు పెంచాలని కోరుతున్నారు.