Telangana Live Telangana Live News and Views 24X7
నందిపేట్‌, అక్టోబర్‌ 12
నిజామాబాద్‌ న్యూస్‌ డాట్‌ ఇన్‌ : నందిపేట్‌ మండల కేంద్రంలోని శ్రీ సూర్యోదయ హైస్కూల్‌లో గురువారం బతుకమ్మ పండుగ వేడుకలు ఘనంగా జరిపారు. విద్యార్థులకు శుక్రవారం నుండి దసరా సెలవులు ప్రారంభం కానుండడంతో ముందస్తుగా గురువారం దసరా వేడుకలను జరుపుకున్నారు.
విద్యార్థులు రంగురంగుల దుస్తులు ధరించి పువ్వులతో బతుకమ్మ పేర్చి ఆటపాటలతో ఘనంగా నిర్వహించి విద్యార్థులు ఒకరినొకరు శుభాకాంక్షలు చెప్పుకున్నారు. పండుగ వేడుకలను శ్రీ సూర్యోదయ హైస్కూల్‌లో ప్రతి ఏటా అన్ని పండుగలు కుల మత బేధాలు లేకుండా జరిపి విద్యార్థులలో సెక్యూలర్‌ భావాలు అలవరుస్తామని కరస్పాండెంట్‌ నాగారావు పేర్కొన్నారు. కార్యక్రమంలో ప్రధాన ఉపాధ్యాయుడు సురేష్‌, ఉపాధ్యాయ బృందం పాల్గొన్నారు.
