కామారెడ్డిలో కలాం జయంతి వేడుకలు

కామారెడ్డి, అక్టోబర్‌ 15

నిజామాబాద్‌ న్యూస్‌ డాట్‌ ఇన్‌ : కామారెడ్డి జిల్లా కేంద్రంలో గల సెవెన్‌ హార్ట్స్‌ ఆర్గనైజేషన్‌ ఎన్జీవో ఆధ్వర్యంలో అడ్లూరు ఎల్లారెడ్డి గ్రామంలో గల భారతరత్న, మాజీ రాష్ట్రపతి ఏపీజే అబ్దుల్‌ కలాం జయంతి సందర్భంగా పూలమాలలు వేసి నివాళులర్పించారు.

ఈ సందర్భంగా ఎన్జీవో ఫౌండర్‌ జీవన్‌ నాయక్‌ మాట్లాడుతూ భారత అంతరిక్ష పరిశోధన సంస్థ క్షిపణి శాస్త్రవేత్తగా, భారతదేశ రాష్ట్రపతిగా, మంచి మనిషిగా పేరు పొందిన వ్యక్తిగా చరిత్ర పుటల్లో తనకంటూ స్థానం సంపాదించుకున్న మహా మనిషి అని పేర్కొన్నారు. కార్యక్రమంలో ఎన్జీవో ప్రతినిధులు పవన్‌ కళ్యాణ్‌, రాజు, నర్సింలు, గ్రామస్థులు పాల్గొన్నారు.