Telangana Live Telangana Live News and Views 24X7
ఆర్మూర్‌, అక్టోబర్‌ 21
నిజామాబాద్‌ న్యూస్‌ డాట్‌ ఇన్‌ : దసరా పండుగను పురస్కరించుకొని నిరుపేదలు సంతోషంతో ఉత్సవాలను జరుపుకోవాలని బట్టలను పంపిణీ చేయడం ఎంతో సంతోషంగా ఉందని కరుణ ట్రస్ట్‌ చైర్మన్‌ మహేష్‌ కుమార్‌ అన్నారు. ఆర్మూర్‌ మున్సిపల్‌ పరిధిలోని మామిడిపల్లిలో నిరుపేదల గుడిసెల మధ్యలో చీరలను పంపిణీ చేశారు.
ఈ సందర్భంగా మహేష్‌ మాట్లాడుతూ… మోర్తాడ్‌ మండలం శేట్పల్లి గ్రామంలో గత కొన్ని సంవత్సరాలుగా సేవలు అందిస్తున్న కరుణ ట్రస్ట్‌ ఆధ్వర్యంలో మరింత విస్తరించామని అన్నారు. రానున్న రోజుల్లో మరిన్ని సేవా కార్యక్రమాలను ట్రస్టు సభ్యుల సహకారంతో చేపడుతామని ధీమా వ్యక్తం చేశారు.
కార్యక్రమానికి ముఖ్య అతిథిగా విచ్చేసిన ప్రముఖ జర్నలిస్ట్‌ జాన రమేష్‌ ట్రస్టు సభ్యులను అభినందించారు. కార్యక్రమంలో కొమ్మాజి తిరుపతి, పెగడ రాజేష్‌ చింటూ, బాకూరి సుదీప్‌, మానేపల్లి శశి, జాన షాలెం నిస్సి తదితరులు పాల్గొన్నారు.
