ఘనంగా దుర్గామాత అమ్మవారి నిమజ్జనం

బాన్సువాడ, అక్టోబర్‌ 24

నిజామాబాద్‌ న్యూస్‌ డాట్‌ ఇన్‌ : నసురుల్లాబాద్‌ మండలం నెమలి గ్రామంలో భవాని యూత్‌ ఆధ్వర్యంలో ఏర్పాటుచేసిన దుర్గామాత నవరాత్రి ఉత్సవాలు ఘనంగా నిర్వహించినట్లు అర్చకులు వెంకట్రావు దీక్షితులు తెలిపారు.

ఈ సందర్భంగా ఆయన మాట్లాడుతూ దుర్గామాత అమ్మవారికి తొమ్మిది రోజులపాటు ప్రత్యేక పూజలు నిర్వహించి మంగళవారం అమ్మవారి నిమజ్జన శోభాయాత్ర గ్రామంలోని ప్రధాన వీధుల గుండా మహిళలు భక్తులు చిన్నారులు నృత్యాలతో, కోలాటలతో అమ్మవారి ఊరేగింపు ఘనంగా నిర్వహించి స్థానిక చెరువులు అమ్మవారిని నిమజ్జనం చేశారు. కార్యక్రమంలో దుర్గామాత మాలాధారణ స్వాములు, గ్రామస్తులు తదితరులు పాల్గొన్నారు.