Telangana Live Telangana Live News and Views 24X7
డిచ్‌పల్లి, అక్టోబర్‌ 28
నిజామాబాద్‌ న్యూస్‌ డాట్‌ ఇన్‌ : తెలంగాణ విశ్వవిద్యాలయం ఆర్ట్స్‌ కళాశాల ప్రాంగణంలో అడ్మిషన్స్‌, స్కాలర్షిప్స్‌ సెక్షన్‌ కౌంటర్లలో కళాశాల విద్యార్థిని విద్యార్థులకు ఎండా, వర్షం లాంటి ఆసౌకర్యాలను నివారించడం కొరకు కౌంటర్లపై నూతన షెడ్డును మరియు దరఖాస్తు ఫారం నింపుకొనుటకు సౌకర్యవంతంగా టేబుల్స్‌ నిర్మాణం విశ్వవిద్యాలయ ఉపకులపతి వాకాటి కరుణ ఆదేశాల మేరకు ఏర్పాటు చేశారు.
దీనివలన దూర ప్రాంతం నుండి బదిలీ సర్టిఫికెట్ల కొరకు, అడ్మిషన్‌ పొందడం కొరకు, స్కాలర్షిప్‌ రెన్యువల్‌ కొరకు లైన్లో నిల్చున్న విద్యార్థులకు సౌకర్యంగా ఉంటుందని రిజిస్ట్రార్‌ ఆచార్య.యం. యాదగిరి పర్యవేక్షించి నిర్మాణం పట్ల సంతృప్తి వ్యక్తం చేశారు.
పర్యవేక్షణ సమయంలో రిజిస్ట్రార్‌ ఆచార్య యాదగిరి వెంట కళాశాల ప్రధానాచార్యులు ఆచార్య సిహెచ్‌ హారతి, విశ్వవిద్యాలయ ఇంజనీర్‌ వినోద్‌ ఉన్నారు.
