రేవంత్‌ రెడ్డి సమక్షంలో కాంగ్రెస్‌ పార్టీలో చేరిన మాల్యాద్రి రెడ్డి

బాన్సువాడ, అక్టోబర్‌ 31

నిజామాబాద్‌ న్యూస్‌ డాట్‌ ఇన్‌ :

బాన్సువాడ నియోజకవర్గానికి చెందిన బిజెపి రాష్ట్ర కార్యవర్గ సభ్యులు మాల్యాద్రి రెడ్డి మంగళవారం హైదరాబాదులోని టీపీసీసీ అధ్యక్షుడు రేవంత్‌ రెడ్డి నివాసంలో కాంగ్రెస్‌ పార్టీలో చేరగా వారికి రేవంత్‌ రెడ్డి మల్యాద్రి రెడ్డికి పార్టీ కండువా కప్పి పార్టీలోకి ఆహ్వానించారు.

ఈ సందర్భంగా మాల్యాద్రి రెడ్డి మాట్లాడుతూ నియోజకవర్గంలో బారస అభ్యర్థి పోచారం శ్రీనివాస్‌ రెడ్డిని ఎన్నికల్లో ఓడగొట్టడమే లక్ష్యంగా కాంగ్రెస్‌ పార్టీలో చేరడం జరిగిందని, కాంగ్రెస్‌ పార్టీలో చేరగానే తన సొంత ఇంటికి వచ్చినట్లు అనుభూతి కలిగిందన్నారు. ఎన్నికల్లో కాంగ్రెస్‌ పార్టీ అభ్యర్థి గెలుపు కోసం కృషి చేస్తానని ఆయన అన్నారు.