Telangana Live Telangana Live News and Views 24X7
బాన్సువాడ, డిసెంబర్‌ 5
నిజామాబాద్‌ న్యూస్‌ డాట్‌ ఇన్‌ :
బాన్సువాడ శాసనసభ ఎన్నికల్లో భారీ మెజారిటీతో గెలిచినందుకు స్పీకర్‌ పోచారం శ్రీనివాస్‌ రెడ్డిని మంగళవారం పోచారం అభిమానులు నాయకులు ప్రజాప్రతినిధులు హైదరాబాదులోని ఆయన నివాసంలో కలిసి శుభాకాంక్షలు తెలిపారు. ఈ సందర్భంగా పలువురు శాలువా పులామాలతో పోచారం శ్రీనివాస్‌ రెడ్డిని సత్కరించారు.
పోచారం శ్రీనివాస్‌ రెడ్డి మాట్లాడుతూ తన విజయానికి కృషి చేసిన నాయకులకు కార్యకర్తలకు ఆయన ధన్యవాదాలు తెలిపారు. ఉదయం నుండి సాయంత్రం వరకు పోచారం శ్రీనివాస్‌ రెడ్డి నాయకులు అభిమానులతో బిజీగా గడిపారు.
కార్యక్రమంలో ఉమ్మడి జిల్లా డిసిసిబి చైర్మన్‌ పోచారం భాస్కర్‌ రెడ్డి, రాష్ట్ర నాయకులు పోచారం సురేందర్‌ రెడ్డి, నాయకులు అంజిరెడ్డి, మున్సిపల్‌ చైర్మన్‌ జంగం గంగాధర్‌, వైస్‌ చైర్మన్‌ జుబేర్‌, మార్కెట్‌ కమిటీ చైర్మన్‌ నర్సింలు, పార్టీ మండల అధ్యక్షుడు మోహన్‌ నాయక్‌, పాత బాలకృష్ణ, దొడ్ల వెంకటరామిరెడ్డి, గోపాల్‌ రెడ్డి, సంగ్రంనాయక్‌, నరసన్న చారి,దాసరి శ్రీనివాస్‌, నార్ల నందకిషోర్‌ గుప్తా, లింగమేశ్వర్‌ , నర్సుగొండ, ఆయా గ్రామాల సర్పంచులు, ఎంపీటీసీలు నాయకులు కార్యకర్తలు తదితరులు పాల్గొన్నారు.
