దేవునిపల్లిలో చోరీ

కామారెడ్డి, డిసెంబర్‌ 10

నిజామాబాద్‌ న్యూస్‌ డాట్‌ ఇన్‌ :

కామారెడ్డి పట్టణం దేవునిపల్లిలో డబుల్‌ బెడ్‌ రూమ్‌ సి బ్లాక్‌ 9వ నంబర్లో దొంగలు చొరబడ్డారు. నగదు, బంగారం, వెండి అపహరించుకుపోయారు. బాధితులు వడ్ల కల్పన, భర్త వడ్ల అశోక్‌ తెలిపిన వివరాలు ఇలా ఉన్నాయి.

తమ మామ చనిపోతే ఊరికి వెళ్లడంతో ఇదే అదనుగా భావించిన దొంగలు ఇంటి తాళాలు పగలగొట్టి, బీరువా తాళాలు పగలగొట్టి చోరీకి పాల్పడ్డారని తెలిపారు. బంగారు ఆభరణాలు, వెండి ఆభరణాలు, నాలుగు వేల నగదు ఎత్తుకెళ్లినట్టు పేర్కొన్నారు.

ఇంటికి వచ్చి చూసేసరికి ఏమి లేకపోవడంతో వెంటనే 100కు డయల్‌ చేయగా పోలీసులు సంఘటన స్తలానికి చేరుకొని విచారణ చేపట్టారు.