వికలాంగ దినోత్సవం సందర్భంగా క్రీడా పోటీలు

నిజామాబాద్‌, డిసెంబర్‌ 14

నిజామాబాద్‌ న్యూస్‌ డాట్‌ ఇన్‌ :

ప్రపంచ వికలాంగుల దినోత్సవం సందర్భంగా జిల్లాలో గల అన్ని రకాల వికలాంగులకు, వికలాంగ విద్యార్థులకు గురువారం పాత కలెక్టర్‌ మైదానంలో ఆటల పోటీలను నిర్వహించారు. ఆటల పోటీలలో గెలుపొందిన వికలాంగ విద్యార్థులు, పలు రకాల వికలాంగులకు ఈనెల 19న జరుపబోయే ప్రపంచ వికలాంగుల దినోత్సవం రోజున బహుమతుల ప్రదానం చేయనున్నట్టు నిర్వాహకులు తెలిపారు.

గురువారం జరిగిన ఆటల పోటీలలో జిల్లా సంక్షేమ అధికారిణి ఎస్‌.కె. రసూల్‌ బీ, కమిటీ సభ్యులు టి. రాజన్న, సాయిలు, డి.పి.యం, స్నేహ సొసైటీ సెక్రెటరీ ఎస్‌. సిద్దయ్య, గ్రేసీ ఆర్గనైజేషన్‌ ప్రెసిడెంట్‌ శోభారాణి, ఏ.పి.ఫోరమ్‌ ప్రెసిడెంట్‌ స్వరూప, డి.ఇ. ఓ. కార్యాలయం నుండి 6 మంది పి.ఈ.టీ లు మరియు కార్యాలయ సిబ్బంది మరియు దాదాపు 350 మంది పలు రకాల వికలాంగులు పాల్గొన్నారు.