ఘనంగా సుబ్రహ్మణ్యేశ్వర స్వామి కళ్యాణం

బాన్సువాడ, డిసెంబర్‌ 18

నిజామాబాద్‌ న్యూస్‌ డాట్‌ ఇన్‌ :

బాన్సువాడ పట్టణంలోని అయ్యప్ప ఆలయంలో సోమవారం బాన్సువాడ పట్టణానికి చెందిన తేలు కుంట శ్రీధర్‌, సౌమ్య దంపతుల ఆధ్వర్యంలో వల్లి దేవసేన సమేత సుబ్రహ్మణ్యస్వామి కల్యాణ మహోత్సవాన్ని ఘనంగా నిర్వహించారు. ఈ సందర్భంగా గత 15 సంవత్సరాలుగా సుబ్రహ్మణ్య స్వామి కళ్యాణాన్ని, అన్నదాన కార్యక్రమాన్ని నిర్వహిస్తున్నట్లు దాత శ్రీధర్‌ తెలిపారు.

కల్యాణ మహోత్సవాన్ని ఆలయ అర్చకులు జపాల పాండురంగ శర్మ, పురుషోత్తం, చంద్రశేఖర్‌, శ్యామ్‌ ఆధ్వర్యంలో సుబ్రహ్మణ్యస్వామిని అందంగా అలంకరించి కళ్యాణాన్ని ఘనంగా జరిపించారు. అయ్యప్ప ఆలయానికి భక్తుల రాకతో అయ్యప్ప ఆలయం కిటకిటలాడిరది. అనంతరం ఆలయ ఆవరణలో భక్తులకు మహా అన్నదాన కార్యక్రమాన్ని నిర్వహించారు.

కార్యక్రమంలో నాచారం పీఠాధిపతి మధుసూదనంద సరస్వతి స్వామి, అఖిల భారత గో సేవ ఫౌండేషన్‌ అధ్యక్షుడు బాలకృష్ణ గురుస్వామి, ఆలయ కమిటీ అధ్యక్షుడు విట్టల్‌ రెడ్డి, అర్సపల్లి సాయి రెడ్డి, కొత్తకొండ భాస్కర్‌, మల్లికార్జున్‌, శంకర్‌ గౌడ్‌, గుడుగుట్ల శ్రీనివాస్‌, అయ్యప్ప మాలధారణ స్వాములు భక్తులు మహిళలు తదితరులు పాల్గొన్నారు.