సావిత్రిబాయి పూలే చరిత్రను పాఠ్యాంశాల్లో చేర్పించాలి

నిజామాబాద్‌, జనవరి 3

నిజామాబాద్‌ న్యూస్‌ డాట్‌ ఇన్‌ :

నిజామాబాద్‌ జిల్లా బీసీ సంక్షేమ సంఘం, బీసీ ఉద్యోగ సంఘాల ఆధ్వర్యంలో చదువుల తల్లి సావిత్రి బాయి ఫూలే 193వ జయంతి వేడుకలు నిర్వహించారు. కేవలం బడుగు బలహీన వర్గాల వారికే కాకుండా అగ్ర వర్ణాల నిరుపేదలకు కూడ తాను స్థాపించిన పాఠశాలలో 150 సంవత్సరాల క్రిందటే చదువు నేర్పిన గొప్ప దార్శనికురాలు సావిత్రి బాయి ఫూలే అని వక్తలు పేర్కొన్నారు.

తమ జీవిత కాలంలో దాదాపు 52 పాఠశాలలు స్థాపించి సామాజ అభ్యున్నతి కొరకు పని చేసిన నిస్వార్థ నారీ శిరోమణి సావిత్రి బాయి పూలే అని జిల్లా అధ్యక్షులు నరాల సుధాకర్‌ అన్నారు. కార్యక్రమంలో బీసీ సంఘం జిల్లా అధ్యక్షుడు నరాల సుధాకర్‌, బీసీ ఉద్యోగ సంఘం జిల్లా అధ్యక్షులు కరిపే రవిందర్‌, పోల్కం గంగాకిషన్‌, కొయ్యాడ శంకర్‌, చంద్రకాంత్‌, చంద్రమోహన్‌, సత్యం, శ్రీనివాస్‌ తదితరులు పాల్గొన్నారు.