అవార్డుల కొరకు దరఖాస్తుల ఆహ్వానం

కామారెడ్డి, మే 29

నిజామాబాద్‌ న్యూస్‌ డాట్‌ ఇన్‌ :

2025 గణతంత్ర దినోత్సవం సందర్భంగా సామాజిక, సేవా రంగం, సాహిత్య రంగం, క్రీడా రంగంలో విశిష్ట సేవలందించిన అభ్యర్థుల నుండి పద్మ అవార్డుల కొరకు ప్రభుత్వానికి సిఫారసు చేయడానికి దరఖాస్తులు ఆహ్వానిస్తున్నామని జిల్లా యువజన క్రీడల అధికారి దామోదర్‌ రెడ్డి బుధవారం ఒక ప్రకటనలో తెలిపారు.

అర్హులైన అభ్యర్థులు 800 పదాలకు మించకుండా తాము చేసిన కార్యక్రమాల గురించి వివరిస్తూ అవసరమైన డాక్యుమెంట్లను (వర్డ్‌ అండ్‌ పిడిఎఫ్‌) లో 4 జతల హార్డ్‌ కాపీలతో పాటు ఫార్మాట్‌ (సాఫ్ట్‌ కాపీ), నామినేషన్‌ ఫారాలను జూన్‌ 1 లోగా కలెక్టరేట్‌ లోని రెండవ అంతస్తులో గల 223 గదిలోని జిల్లా యువజన క్రీడాధికారి కార్యాలయంలో సమర్పించవలసినదిగా ఆయన పేర్కొన్నారు.

పూర్తి వివరాలకు http://www.padmaawards.gov.in/ వెబ్‌ సైట్‌ నందు కానీ 9440292793 లేదా 9618126053 నెంబర్లకు సంప్రదించవలసినదిగా దామోదర్‌ రెడ్డి తెలిపారు.