కల్కి భగవాన్‌ ఆలయంలో అన్నదానం…

కామారెడ్డి, జూలై 2

నిజామాబాద్‌ న్యూస్‌ డాట్‌ ఇన్‌ :

కామారెడ్డి జిల్లా కేంద్రంలోని కల్కినగర్‌లో గల శ్రీ కల్కి భగవాన్‌ ఆలయంలో మంగళవారం సందర్భంగా అన్నదానం నిర్వహించారు. అన్నదాతలుగా కామారెడ్డి పట్టణ కేంద్రానికి చెందిన కొమిరిశెట్టి పావన దిగంబర్‌, కోల వాణి వేణుగోపాల్‌ వారి కుమార్తె ఆద్య జన్మదినం సందర్భంగా అన్నదానానికి ఏర్పాట్లు చేశారు. అన్నదాతలను ఆలయ కమిటి సభ్యులు సన్మానించారు.

శ్రీ అమ్మ భగవానుల సూచనల మేరకు ప్రతి మంగళవారం అన్నదాన కార్యక్రమాన్ని నిర్వహిస్తున్నామని, కార్యక్రమానికి దాతలు ముందుకు రావాలని అన్నారు. పుట్టినరోజు పెళ్లిరోజుల సందర్భంగా అన్నదానం చేయాలనుకున్నవారు ఎర్రం చంద్రశేఖర్‌ 9849601438 నంబర్‌కి సంప్రదించాలన్నారు. అన్నదాన కార్యక్రమంలో 250 కి పైగా భక్తులు పాల్గొన్నారు.

కార్యక్రమంలో కల్కి ఆలయ సేవా సమితి సభ్యులు ఎర్రం చంద్రశేఖర్‌, కొమిరిశెట్టి దిగంబర్‌, డాక్టర్‌ బాలు, ఎర్రం విజయ్‌, సిద్ధంశెట్టి శ్రీనివాస్‌, పార్శి శ్రీనివాస్‌ పాల్గొన్నారు.