9న జాబ్‌మేళా

డిచ్‌పల్లి, జూలై 6

నిజామాబాద్‌ న్యూస్‌ డాట్‌ ఇన్‌ :

తెలంగాణ విశ్వవిద్యాలయ వైస్‌ -ఛాన్స్‌లర్‌, రిజిస్ట్రార్‌ల ఆదేశానుసారం విశ్వవిద్యాలయంలో పీ.జీ. ఫైనల్‌ ఇయర్‌ చదువుతున్న విద్యార్థులకు ఈ నెల 9వ తేదీన తెలంగాణ విశ్వవిద్యాలయం మరియు తెలంగాణ అకాడమీ ఆఫ్‌ స్కిల్‌ అండ్‌ నాలెడ్జ్‌ సంస్థలు సంయుక్తంగా డీ.ఎస్‌. టెక్నాలజీస్‌ కంపెనీలో గల టెక్నికల్‌ రిక్రూటర్‌, బిజినెస్‌ డెవలప్‌మెంట్‌ ఎగ్జిక్యూట్‌, డిజిటల్‌ మార్కెటింగ్‌ ఖాళీల భర్తీకి డి.ఎస్‌.టెక్నాలజీస్‌ వారిచే ఉద్యోగ మేళాను నిర్వహించనున్నారని ఉద్యోగ మేళాలో ఉద్యోగ ఔత్సాహిలకు పిఐఆర్‌ (వ్యక్తిగత పరిచయ రౌండ్‌) గ్రూప్‌ డిస్కషన్‌, (ముఖాముఖి) వంటి రౌండ్‌లతో ఇంటర్వ్యూ నిర్వహిస్తారని ప్లేస్మెంట్‌ సెల్‌ డైరెక్టర్‌ డాక్టర్‌ పాత నాగరాజు తెలిపారు.

పీజీ ఫైనల్‌ ఇయర్‌ చదువుతున్న విద్యార్థులందరూ ఈనెల 8వ తేదీలోపు ప్లేస్మెంట్‌ సెల్లో వివరాలు నమోదు చేసుకోవాలని డైరెక్టర్‌ తెలిపారు.