మొక్కలు నాటి కాపాడాలి

బాన్సువాడ, జూలై 6

నిజామాబాద్‌ న్యూస్‌ డాట్‌ ఇన్‌ :

బిజెపి జనసేన వ్యవస్థాపకులు శ్యాం ప్రసాద్‌ ముఖర్జీ జయంతి సందర్భంగా శనివారం మండల బిజెపి ఆధ్వర్యంలో నిర్వహించిన అమ్మ పేరిట ఒక మొక్క అనే కార్యక్రమంలో భాగంగా పట్టణ అధ్యక్షుడు తుప్తి ప్రసాద్‌ మొక్కలు నాటారు. ఈ సందర్భంగా ఆయన మాట్లాడారు.

పట్టణంలోని ప్రతి పోలింగ్‌ బూత్‌ పరిధిలోని కార్యకర్తలు మొక్కలు నాటి మొక్కతో పాటు వారి తల్లితో ఫోటో దిగాలన్నారు. ప్రకృతిని మనం రక్షిస్తే ప్రకృతి మనల్ని కాపాడుతుందని కావున మొక్కలు మొక్కుబడిగా నాటడమే కాకుండా వాటిని కాపాడాలన్నారు. కార్యక్రమంలో పట్టణ అధ్యక్షుడు తుప్తి ప్రసాద్‌, నాయకులు శ్రీనివాస్‌ రెడ్డి, సామాల శ్రీకాంత్‌, అందే చిరంజీవి, అరుణ్‌ కుమార్‌, సిద్ధార్థ, రవీందర్‌ తదితరులు పాల్గొన్నారు.