డిగ్రీ ఫలితాలు విడుదల

డిచ్‌పల్లి, జూలై 18

నిజామాబాద్‌ న్యూస్‌ డాట్‌ ఇన్‌ :

తెలంగాణ విశ్వవిద్యాలయ పరిధిలోని 2021 -2024 సంవత్సరం డిగ్రీ ఫలితాలు విడుదల చేశారు. వైస్‌ ఛాన్స్లర్‌ సందీప్‌ కుమార్‌ సుల్తానియా ఆదేశాల మేరకు రిజిస్ట్రార్‌ ఆచార్య ఎం. యాదగిరి తన చాంబర్‌లో కంట్రోలర్‌ ఆచార్య అరుణతో కలిసి ఫలితాలను విడుదల చేశారు.

తెలంగాణ విశ్వవిద్యాలయం పరిధిలోని మొత్తం 8930 మంది విద్యార్థులు పరీక్షకు హాజరు కాగా 44.41శాతం విద్యార్థులు అనగా 3966 మంది ఉత్తీర్ణులయ్యారు. ఇందులో బాలురకు 27.93 శాతం కాగా బాలికలు 55.66 శాతం ఉత్తీర్ణులయ్యారు.

ఫలితాల విడుదల కార్యక్రమంలో ఆడిట్‌ సెల్‌ డైరెక్టర్‌ ఆచార్య ఘంటా చంద్రశేఖర్‌, అడిషనల్‌ కంట్రోలర్‌, డాక్టర్‌ సాయిలు, డాక్టర్‌ నందిని, డాక్టర్‌ శాంతాబాయి, పి.ఆర్వో డా. ఏ.పున్నయ్య, ప్రోగ్రామర్లు సతీష్‌, విజయ్‌, సందీప్‌ తదితరులు పాల్గొన్నారు.