Telangana Live Telangana Live News and Views 24X7
ఎల్లారెడ్డి, సెప్టెంబర్‌ 21
నిజామాబాద్‌ న్యూస్‌ డాట్‌ ఇన్‌ :
లింగంపేట్‌ మండల కేంద్రంలో గల ప్రసిద్ధి ప్రాముఖ్యత చెందిన నాగన్న మెట్ల బావి పునరుద్ధరణ పనులు స్థానిక ఎమ్మెల్యే మదన్‌ మోహన్‌, జిల్లా కలెక్టర్‌ ఆశిష్‌ సాంగ్వాన్‌, ఎస్పీ సింధు శర్మతో కలిసి ప్రారంభించారు. లింగంపేట మెట్ల బావి పునరుద్ధరణ పనులు కొరకు ఎమ్మెల్యే మదన్‌ మోహన్‌ స్పెషల్‌ డెవలప్మెంట్‌ ఫండ్స్‌ నుండి నిధులు కేటాయించడం జరిగింది. ఈ సందర్భంగా ప్రభుత్వ పాఠశాల విద్యార్థులకు బ్యాగ్‌లు అందించారు, అధికారులకు ప్రతినిధులకు శాలువ కప్పి స్థానిక ఎమ్మెల్యే మదన్‌ మోహన్‌ సన్మానించారు.
ఈ సందర్భంగా ఎమ్మెల్యే మదన్‌ మోహన్‌ మాట్లాడుతూ ప్రాచీన కట్టడాలకు పరంపర ఫౌండేషన్‌ ఆధ్వర్యంలో పూర్వ వైభవం తీసుకురావడం అభినందనీయమని కొనియాడారు. ప్రాచీన కట్టడాలు పునరుద్ధరణ చేయడంవల్ల భావితరాలకు పూర్వకాలం చరిత్ర తెలిసే వీలు కలుగుతుందని తెలిపారు. ఈ సందర్భంగా చేపట్టిన సాంస్కృతి కార్యక్రమాలు ఆకట్టుకున్నాయి.
కార్యక్రమంలో జిల్లా కలెక్టర్‌, ఎస్పీ, సబ్‌ కలెక్టర్‌ కిరణ్‌. ఈ, ఎల్లారెడ్డి ఆర్డీవో ప్రభాకర్‌, జిల్లా అధికారులు, ఇన్ఫోసిస్‌ ఫౌండేషన్‌ ప్రతినిధులు, పరంపర ఫౌండేషన్‌ ప్రతినిధులు కల్పన రమేష్‌, కాంగ్రెస్‌ పార్టీ నాయకులు, కార్యకర్తలు పాల్గొన్నారు.
