రైతులకు మెరుగైన విద్యుత్‌ అందించేందుకు కృషి….

బాన్సువాడ, సెప్టెంబర్‌ 23

నిజామాబాద్‌ న్యూస్‌ డాట్‌ ఇన్‌ :

రైతులకు మెరుగైన నాణ్యమైన విద్యుత్ను అందించేందుకు కృషి చేస్తున్నామని అందులో భాగంగా పొలం బాట కార్యక్రమాన్ని నిర్వహిస్తున్నట్లు ఏఈ నాందేవ్‌ అన్నారు. సోమవారం బాన్సువాడ పట్టణ శివారులో విద్యుత్‌ శాఖ అధికారులు పొలంబాట కార్యక్రమానికి నిర్వహించారు. ఈ సందర్భంగా ఏఈ నాందేవ్‌ పొలం బాట కార్యక్రమం పై రైతులకు వివరిస్తూ పంట పొలాల్లో వంగిన, విరిగిన, నేలగొరిగిన విద్యుత్‌ స్తంభాలను గుర్తించి విద్యుత్‌ తీగలను సరిచేస్తామన్నారు.

నాణ్యమైన విద్యుత్‌ ను అందించేందుకు అనునిత్యం కృషి చేస్తామని రైతులు విద్యుత్‌ అధికారులకు సహకరించాలన్నారు. కార్యక్రమంలో ఏఈ నాందేవ్‌, లైన్‌ ఇన్స్పెక్టర్‌ రాజేంద్రనాథ్‌, భీమా నాయక్‌, అశోక్‌ రెడ్డి రైతులు సాయిలు, రాములు, పోశయ్య, తదితరులు పాల్గొన్నారు.